Sansespel

Sansespel 2009

For fjerde gong presenterte Sansespel eit innhaldsrikt program. Det musikalske programmet spende frå artistar av nasjonal klasse til lokale utøvarar. Det var Sansedag med spennande kokkekamp, trubadur, boder og salgsutstilling. Vinterfestivalen bydde også på reinsdyrsafari og Sansefest, med utdeling av Sanseprisen og presentasjon av årets Sansekunstnar. Vinterfestivalen Sansespel var lagt til vinterferiehelga 20.-22. februar.

SANSESPEL
Sansespel er Nord-Gudbrandsdalen sin årlege mat- og musikkfestival, med gode konsertar, ulike kurs, mange smakebitar og utdeling av årets Sansepris. Festivalen skal vere ein trivselsarena for alle med sans for gode, positive inntrykk, ein symfoni av inntrykk til glede, nytte og ettertanke for deltakarane og eit kvalitetsmøte mellom utøvarar av norsk musikk- og matkultur.

SANSEPRIS
Arne Brimi fekk Sanseprisen 2009. Her finn du meir informasjon om Sanseprisen.

MUSIKK
Konsertane dekte også i år eit vidt spekter: Årets Sansespel inneheldt blant anna bandet SOUL06, der vagveren Leiv Skeidsvoll er med. SOUL06 spelte soul/funk musikk på Vågå Bowling under Sansefesten. Den svenske lesjingen Anders Thysell spelte for oss i teltet på Sansedagen samt på Bokhandel'n Kafe laurdag kveld, og denne kvelden spelte Vassendgutane i Vågåhallen. Sansespel hadde med tre band frå UKM som fekk vere oppvarmingsband for Vassendgutane. Søndag var det konsert med Reidar Svare i Vågåkyrkja.

Program 2009
Pressedekning
Samarbeidspartnere/Støttespelarar 2009
Årets Programkomite