Sansespel

Sansespelkunstnar for 2009 er Gro Olianna Skjellum.

Gro Olianna Skjellum er Årets Sansespel-kunstnar. Ho er 29 år,fødd og oppvakse i Vågå, flytte ut som 16 åring og er no busett i Larvik.  Kunstnarnamnet hennar er Annailo. Det er fotografi og skriving som opptek vågåjenta. Under kunstnarnamnet Annailo stilte ho ut fotografiar med tekstar til under årets Sansespel.

Årets Sansespelkunstnar har allereie 6 ustillingar bak seg - 5 i Danmark og 1 i London.

" Eg likar å fortelja ei historie med biletet, så eg har aldri oppstilte bilete, fortel Gro Olianna. Eg går ute på leit etter historier.Ofte lagar eg små hefter til med dikt eller små tekster, fortset ho."

Årets Sansespelkunstnar vart presentert under Sansefesten på Vågå Bowling fredag kveld.

Gro Olianna Skjellum har teke biletet som vart tildelt vinnaren av Sanseprisen 2009, som vart offentleggjort på Sansefesten fredag 20. februar og delt ut under Sansedagen i Vågåmo laurdag 21. februar.

Årets Sansespelkunstnar Gro Olianna Skjellum,
og mottakar av Sanseprisen 2009, Arne Brimi.
(Foto: Helene Hovden, Norddalen)